සොබාදහම විසින් ඕස්ට්‍රේලියාවට ලැබ දී ඇති ඇයගේ අපුර්වතම නිර්මාණය නම් මහා බාධක කොරල් පරයයි. වසරක් පාසා දසලක්ෂ ගණනක් දේශීය, විදේශීය සංචාරකයෝ මෙම කොරල්පර නැරඹීමට පැමිණෙති. මෙහි පැමිණෙන සංචාරකයන් හට මෝරුන්, තල්මසුන් වැනි විවිධ පාටැති මසුන්, තිත් සහිත කැස්බෑවුන් අතර පිහිනීම, කිමිදීම මෙන්ම වීදුරු පතුළ සහිත බෝට්ටුවක, හෙලිකොප්ටරයක හෝ මුහුදු යානයක සිට මුහුදු පතුලේ අසිරිය නැරඹීමට හැකියාව ලැබේ. මෙම කොරල්පර පමණක් නොව ඕස්ට්‍රේලියාවේ මහද්වීප ලෝකයේ උතුරු , බටහිර සහ දකුණු කොටස්වලද විවිධ පරිසර පද්ධති දැකිය හැකිය. එය සමස්ථ ඕස්ට්‍රේලියාව සොබා දහම් මෑණියන්ගෙන් ලද අමිල සම්පතකි.

කිලෝමීටර් 2300 ක් දිගින් යුතු මහා බාධක කොරල් පරය මත්ස්‍ය වර්ග 1600 කට, කොරල් වර්ග 411 කට මෘදු කොරල් වර්ග 150 කට තල්මසුන් සහ ඩොල්ෆින් මත්ස්‍ය වර්ග 30 කාටද කැස්බෑවුන් වර්ග රාශියකට ද  හිමිකම් කියන වාස භූමියකි. මහා බාධක කොරල් පරය ඕස්ට්‍රේලියාවේ උතුරු-නැගෙනහිර වෙරළබඩ ප්‍රදේශයන්හි 2/3 ක් සහ වසා පැතිරෙන අතර මේ පිළිබඳව අධ්‍යයනය කිරීමේදී විශ්මිත මෙන්ම බියකරු කරුණුද  හෙළිකර ගත හැකිය. Cairns සහ Airlie Beach මෙම කොරල් පරයට ඇතුල් විය හැකි ප්‍රධාන ක්‍රම වේ. කොරල්පර අතර පිහිටි Hayman සහ Day Dream දූපත් ඉස්තරම් නිවාඩු නිකේතන පිහිටා ඇති මධ්‍යස්ථාන වේ. 

නිරක්ෂිය උතුරු  වෙරළට වඩා අලුත්ම අත්දැකීමක් දකුණු කලාපයේදී දැකිය හැක. Lady Elliot කිමිදුම්කරුවන්ගේ පාරාදීසයක් වන අතර නිශ්චල වෙරළ තීර 17කින් යුක්ත වන අතර නිශ්චල වෙරළ 17කින් යුක්තය. එමෙන්ම මෙය කැස්බෑවුන්ගේ ජිවන චක්‍රයේ විවිධ අවස්ථා ලංවී නැරඹීමට හැකි කදිම තෝතැන්නකි.

පර්ත් නගරයේ සිට කිලෝමීටර් 777ක් දුරින් පිහිටි Ningaloo Marina Park නම් සිත්කළු නාවික උද්‍යානය මෙම කොරල් පරයේ තවත් අසිරිමත් ස්ථානයකි. මෙය කිලෝමීටර් 260ක් දිගකින් යුක්ත වන කොරල් පරයකි. කැස්බෑවුන් ,මොල්ලිය සහිත තල්මසුන්, සාමුහිකව සංචරණය කරන කැස්බෑවුන් සහිත කලාපයකි. මෙම තීරයේ සෑම වසරකම අප්‍රේල් සිට ජුලි දක්වා කාලය ඉතාමත් ක්‍රියාශීලි සහ වැදැගත් වකවානුවක් වේ, මන්ද යෝධ තල්මසුන් ගොඩබිම අසලට එක්රැස් වන බැවිනි. මෙම තල්මසකු සමග පිහිනීම ජිවිතයේ මනස්කාන්ත දසුනක් සහ මතකයක් වනු ඇත. එමෙන්ම පිහිනුම් කරුවන් මෙම සතුන්ගේ උපරිම ආරක්ෂාව සැලැස්වීමටද බැඳී සිටිය යුතුය.

මෙය ලෝකයේ විශාලතම කොරල්පරය වන අතර උතුරු ඕස්ට්‍රේලියාවට ආසන්නව පැසිෆික් සාගරයේ පිහිටා තිබේ. යුනෙස්කෝ සංවිධානය විසින් ලෝක උරුමයක් ලෙස නම් කර ඇති අතිවිශාල ජෛව විවිධත්වයයකින් යුතු මෙම කලාපය  දක්ෂිණ අක්ෂාංශ 18-28 අතරත් සහ නැගෙනහිර දේශාංශ 147- 169 අතර පිහිටා ඇත. එමෙන්ම සංචාරක ව්‍යාපාරය නිසා ඕස්ට්‍රේලියාවේ ධන උල්පතක් බවට පත්ව ඇති මෙම මනරම් මුහුදු කලාපයේ  මුහුදු තිරය වාර්ෂිකව බිලියන 56.4කට වඩා උපයා දෙන අතර 6400ක ට අධික ජන සංඛ්‍යාවකට ස්ථිර රැකියාද තවත් දසදහස් ගණනකට තාවකාලික රැකියාද සපයයි. කොරල්පරය ආශ්‍රිතව දූපත් 900ක් පමණ පිහිටා තිබීමද මෙහි ඇති වාසිදායක විශේෂත්වයකි. Whitsunday ,Hazard
සහ Heron මින් ප්‍රධාන දුපත්වේ.

ක්‍රි.ව. 1770 දී බ්‍රිතාන්‍ය දේශ ගවේශක ජේම්ස් කුක් මෙම කොරල්පරය වටා සංචාරය කිරීමෙන් අනතරුව ලොව අවධානය මේ සඳහා යොමුවූ අතර 1928 - 1929 කාලයේදී කළ ගවේෂණ වලින් කරුණු රාශියක් අනාවරණය විය. පාරිසරික විනාශය ලොව අනෙකුත් ස්වභාවික සම්පත්වලට මෙන්ම මෙම කොරල් පරයටද බලපාමින් තිබේ. 1995 වසරේ සිට ඇතිවූ මුහුදු උෂ්ණත්වය වැඩිවීම හේතුවෙන් කොරල්පර වලින් අඩක් පමණ විනාශයට පත්වෙමින් තිබෙන අතර පාරිසරික සංවිධාන මෙම විනාශය වැලක්වීමට විවිධ පියවර ගනිමින් පැවති.